Übersetzung: Kompetenzzentrum der Universität Greifswald, Orthografie nach den Wörterbüchern von Renate Herrmann-Winter. Regionale Abweichungen sind möglich.
In wat för Språken dat geiht: Düütsch, Engelsch
Rundgäng dörch denn Landdach
Wat de Besökerdeenst anbeiden deit:
Informationsprogramm allgemeen
An Dåch åhn Landdachssitzungen gifftdat ein interessantet Informationsprogramm to de Tosåmenstellung un de Arbeitswies von‘t Parlament. Sei kœnen sik dor mit 10 bet 40 Lüd bi denn Besökerdeenst för anmellen. Up dat Programm steiht dat Ankieken von denn Plenarsål, wenn dor nich jüst ein Veranstaltung stattfinnt. Up Wunsch vermiddeln wi ok een Dråpen un ’n lütten Schnack mit Afordnete von denn Landdach von Mäkelborg-Vörpommern.
Bi Interesse schicken Sei uns bidde ‘n digitalen Breif mit Se ehren Wunschtermin (Måndach bet Fridach) un Se ehr Kontaktdaten.
Wenn Sei nich in een Grupp kåmen
Wenn Sei alleen kåmen, kœnen Sei sik tau jede Tiet un åhn langen Vörlop to een‘n Besök von de Landdachssitzung orrer von een öffentlich Anhürung anmellen. Bidde wennen Sei sik dorto an denn Besökerdeenst.
De Termins von de Landdachssitzungen finnen Sei in denn Sitzungsplån. In de Wäken, de rot kenntlich måkt sünd, sitt de Landdach in de Rägel an‘n Middwoch un an’n Dunnersdach tausåmen. Bidde verståhn Sei, dat sik uns Informationsprogramm an Besökergruppen mit 10 bet 40 Lüd richt’t.
Anmellen för de Rundgäng in denn Landdach
Besökerdeenst von’n Landdach
Lennéstraße 1
19053 Schwerin
Tel. 0385 525-2105
Wenn Sei uns nich kriegen, wiel wi jüst in’n Landdach ünnerwägens sünd, schicken Sei uns bidde ’n digitalen Breif mit Se ehr Frågen un Wünsch’ an: besucherdienst@landtag-mv.de
In wat för Språken dat geiht: Düütsch, Plattdüütsch, Engelsch, Franzöös‘sch, Spånsch
Rundgäng dörch dat Schlott
In een’n afwesslungreiken Rundgang dörch de Ecken in’t Schweriner Schlott, wo de Lüd normalerwies nich henkåmen, besteiht de Mœglichkeit, denn dat Tohus von de Mäkelborg’schen Hertööch Anno Toback kennen to lihren.
Kieken Sei von de Prunkkuppel up de Stadt Schwerin un besichtigen Sei de ierste protestantische Kirch von Nuurddüütschland verbunnen mit een‘n Blick in denn Plenarsål von denn Landdach Mäkelborg-Vörpommern.
De führte Rundgang, dei wat kost, duert üm un bi 90 Minuten.
Schlottrundgäng sünd nå Afspråk an de Wäkenennen mœglich un von Måndach bet Fridach af Klock half Vier, je nåh de Veranstaltungen in’t Parlament.
Wat dat kost:
bet 10 Lüd – tosåmen 100 Euro
bet 20 Lüd – tosåmen 160 Euro
Anmellen för Schlottrundgäng
Schnacken Sei mit
Fru Dominik Peters
0385 / 525-2163
schlossfuehrung@landtag-mv.de
Rundgäng dörch dat Museum
In een’n Rundgang dörch dat Schlottmuseum kœnen Sei de Prunk- un Wåhnstuwen von de Grothertoglich Fomilie ankieken.
info@schloss-schwerin.de
www.museum-schwerin.de
Schnacken Sei mit
Herr Andreas Ohde
0385 525 2920
Projekte un Veranstaltungen von‘n Landdach
Mit väle Veranstaltungen un Projekten låd’t de Landdach Börgers, Vereens un Krings, Ünnernähmen un Institutschonen in, sik œwer de Arbeit von de Afordneten to informiern, an de öffentliche politische Diskussion deiltonähmen un ehr Meinungen un Födderungen an de Lannespolitik to bringen.
Projekte
- Parlament för de Ollen
- Umweltpries von denn Landdach
Veranstaltungen
- Åpen-Dör-Dach in‘n Landdach
- Schlott-Schnacks
- Parlamentarische Åbends
- Gedenkdach för de Opfer von‘n Nationalsozialismus
Jugendprojekte
- Jugend in‘n Landdach
- Jugend debattiert
- Dåch för‘n Uttuusch för junge Lüd in de Mahn- un Gedenkstätte Ravensbrück
- Stiernsingers-Empfang in‘n Landdach